Politiet melder onsdag kveld, 5. august, klokka 20:49 på Twitter at naudetatane er på veg til Dalsnibba der ein bubil har køyrt av vegen på veg ned frå Dalsnibba og om lag 50 meter ned ei skråning. Det var to personar i bilen. Personane skal tilsynelatande vere uskadde.
Saken fortset etter annonsa
Uhellet har skjedd i den første svingen på veg mot Dalsnibba – eller for dei uheldige i bubilen som var på veg ned derifrå, blir det siste svingen.
Politiet melder på Twitter kl 21:04 at ambulanse er framme på staden. Dei to personane har kome seg ut av bilen sjølve, og framstår som lettare skadde. Bilen derimot har fått store skader.
Dei to personane som var i bilen vert køyrt i ambulanse til sjukehus for behandling og oppfølging.