Møre og Romsdal fylkeskommune melder at vegen mellom Geiranger og Langvatn opnar for sesongen i dag, fredag 14. mai klokka 18.00.
Saken fortset etter annonsa
– Før påske var vinteren snøfattig, men det kom over to meter snø i april som gav oss utfordringar med skred og skredfare og meir arbeid med snørydding. Denne vegen er svært viktig for reiselivet i Møre og Romsdal og for Geiranger spesielt, så vi er glad vi kan opne han til 17. mai-helga, seier byggjeleiar Kåre Berge i Møre og Romsdal fylkeskommune.
Dei siste ti åra har vegen vanlegvis opna i midten av mai. I 2020 blei vegen opna rekordseint 17. juni etter ein svært snørik vinter.
Opning av fv. 63 Geiranger-Langvatn dei siste 10 åra
| År | Opningsdato |
| 2011 | 13. mai |
| 2012 | 31. mai |
| 2013 | 14. mai |
| 2014 | 7. mai |
| 2015 | 13. mai |
| 2016 | 23. mai |
| 2017 | 26. mai |
| 2018 | 9. mai |
| 2019 | 16. mai |
| 2020 | 17. juni |
| 2021 | 14. mai |