Etter nokre dagar utan nye påviste smittetilfelle, melder Fjord kommune på heimesidene sine no i kveld, tysdag 13. april, at det på nytt er rapportert om påvist smitte i kommunen.
Saken fortset etter annonsa
Det dreier seg om to personar der den eine er ein person som er nærkontakt med smitta person og som dermed har vore i karantene. Den andre personen som er smitta har ikkje vore i karantene. Isolering, smittesporing og vidare testing er iverksett.
Dette betyr at Fjord kommune vidarefører alle smitteverntiltak som vart innført 23. mars. Så snart ein har betre oversikt over den sist melde smittesituasjonen, vil kriseleiinga vurdere om ein kan gå inn på dei nasjonale tiltaka som er gjeldande frå og med fredag 16. april.