«Sunnmørsprosjektet»

Tine Rådgiving saman med produsentlaga og kommunane Sykkylven, Stranda og Fjord, har starta «Mjølkeprosjektet for Sunnmøre» for å styrke produksjonen av mjølk i området. Prosjektet er finansiert av Møre og Romsdal fylkeskommune og Tine.

Oppstartmøte

Som ein del av prosjektet får alle mjølkeprodusentar tilbod om eit strategibesøk. Dette kan starte ein prosess for å hjelpe bonden med å ta rette val for framtida.

På Stranda vil det vere eit oppstartmøte der ordføraren frå Senterpartiet, Jan Ove Tryggestad, vil snakke om landbruket i området i eit berekraftperspektiv. Frå Statsforvaltaren kjem landbruksdirektør Brit Kari Eidseflot Hauger. Ho vil ha med seg flest mogleg mjølkeprodusentar inn i framtida.

Anders Hjellbakk er ung nok til å satse på landbruket. Han bygde nytt fjøs i 2019, held til i Hornindal og vil på møtet fortelje om eigne erfaringar. Møteleiar vil vere distriktssjef i Tine Rådgiving Bjørn Tore Reistad.

Prosjektleiar Marte Alnes frå Tine fortel til Storfjordnytt at Tine med dette prosjektet vil bidra til å oppretthalde mjølkeproduksjonen i området og hjelpe bonden til å ta val og omstille seg fram mot kravet om lausdrift i 2034. 

– Saman med bonden vil vi finne løysingar og vere med og hjelpe til med å ta gode val for framtida. To timar gratis rådgjeving kan vere ein god start, seier prosjektleiar i Tine Marte Alnes som òg vil vere med på oppstartmøtet og fortelje meir om «Sunnmørsprosjektet»