Fjord kommune har no sendt ut melding om at det er høve til å få koronavaksine – utan å ha bestilt time på førehand.
Saken fortset etter annonsa
Drop in-vaksineringa vil gå føre seg på Martin Linge-huset i Valldal førstkomande onsdag, altså onsdag 19. januar frå klokka 13.20. Det vert innslepp av folk kvart 20. minutt.
Ifølgje informasjonen frå kommunen er det Pfizer-vaksinen som vil vere tilgjengeleg denne dagen.
Dei som kan stikke innom for vaksine er:
• dose 1 – for dei som enno ikkje er vaksinerte,
• dose 2 – når det har gått fire veker sidan dose 1,
• dose 3 – når det har gått 20 veker sidan dose 2, og dette gjeld alle over 18 år, og
• dose 4 – når det har gått tre månader sidan dose 3, og dette gjeld særskilde grupper med alvorleg sjukdom.