Det har gått steinskred/steinsprang ved Svarthammaren på fylkesveg 5926 mellom Eidsdal og Norddal fredag ettermiddag.
Saken fortset etter annonsa
Vegen vil vere stengt i alle fall til laurdag 7. oktober då det skal gjerast ei vurdering med tanke på om vegen kan opnast eller ikkje.
Fjord kommune melder på heimesidene sine at beredskapsvegen mellom Storås og Hjellane kan nyttast inntil vidare – og sidan det er ein beredskapssituasjon, er det ikkje nødvendig å betale bompengar. Kommunen ber folk om å vise varsemd ved bruk av omkøyringsvegen.