Så var ferien over
Så er Storfjordnytt-redaksjonen attende etter fire veker med lediggang, eller ferie som det også vert kalt. Og avisa vil igjen kome i postkassene til lesarar rundt om i landet. Her lokalt kjem avisa seinare på dag enn vanleg, ettersom det no er Posten som har omdelinga av avisa og ikkje avisbodet. Men – vi har forsøkt dette tidlegare, for omlegginga skjedde allereie 1. juli. Det vi seie at siste avisa før ferien vart distribuert med Posten. Det såg ut til stort sett å ha fungert og vi håpar det vil halde fram slik.
Nettavisa har ikkje vore like hyppig oppdatert som eg såg føre meg då vi tok ferie, men eg håpar det i alle fall innimellom har vore noko av interesse å lese. Uansett, no er redaksjonen i gang att for fullt, så det vil bli godt stoff (forhåpentleg) både digitalt og på papir i tida framover.
Det vert ein begivenheitsrik haust for mange. Mellom anna er Syltebøen barnehage samla igjen, etter at ein førre barnehageår hadde ein «satelitt» på Martin Linge-huset. Dei på skjerma avdeling i Valldal, «Loftet» som det vert kalla, skal flytte til Stordalstunet og så kan ein kanskje håpe på at departementet i løpet av hausten får meint noko om Hofseth sitt prosjekt i Raudbergvika. Om litt er det skulestart – og utover hausten startar arbeidet med neste års budsjett for fullt. Det blir med andre ord ikkje kjedeleg, verken for dykk eller for oss.
