Møre og Romsdal fylkeskommune melder at frå 16. mai startar ein med to ferjer på sambandet Eidsdal-Linge, på fylkesveg 63 i Fjord kommune.
I perioden med to ferjer, som varar fram til 30. september, bli det gjort endringar i rutetidene på sambandet.
Dette er endringane i to-ferjesesongen
• A-ferja vil ligge på Linge om natta og på grunn av dette blir siste avgang frå Eidsdal om kvelden innstilt i to-ferjesesongen.
• Første avgang for a-ferja blir frå Linge klokka 06.00 på kvardagar og klokka 06.30 på laurdagar og søndagar.
Endringa blir gjort på grunn av kviletid og beredskap.
Beredskap og kviletid
B-ferja vil vere beredskapsferje i perioden, og går til Liabygda når det blir beredskapstur. Avhengig av tidspunkt for beredskapsturen, kan dei første avgangane til b-ferja bli innstilt grunna kviletid for mannskapet. A-ferja vil gå som normalt.
Den nye rutetabellen finn du enten på Fjord1 sine sider eller på frammr.no.
