Trollstigen er stengt etter at ein bil vart treft av ein stor stein måndag morgon. No melder Vegtrafikksentralen midt på X at ny vurdering av vegen vert gjort klokka 10 tysdag føremiddag.
Den kjende turistvegen vart opna for sesongen i byrjinga av juni etter grundige risikovurderingar. Det vart då varsla om at vegen kunne bli stengd på kort varsel på grunn av høg rasfare.
Ti dagar etter opning har steinar rasa ned i vegbana og Trollstigen er stengd på ubestemd tid, skriv NRK. Vegtrafikksentralen melder at området må sjekkast av ein geolog før vegen kan opnast att.
Rundt ein million turistar besøkjer vegen årleg og vegstrekninga er eitt av Noregs mest besøkte reisemål.
Strekninga har vore ramma av fleire ras dei siste åra. Førre veke bra Møre og Romsdal fylkeskommune om eit hastemøte med samferdselsministeren og næringsministeren om Trollstigen.
