Trafikken går som normalt att etter trafikkulykke i Liabygda måndag kveld

Klokka 19:25 melde politiet i Møre og Romsdal om ei trafikkulykke på fylkesveg 650 i Liabygda. To køyretøy skal ha vore involverte, og dei skal ha treft kvarandre i front.

Det er ikkje meldt om personskade, men begge køyretøya måtte bergast så det var noko redusert framkomelegheit på staden. Politiet melder klokka 20:07 at vegbana er opna og at trafikken går som normalt.

Det vert vidare opplyst at ein førar har fått beslaglagt førarkortet sitt og at det vert oppretta sak på forholdet.

Du vil kanskje også lese

Rekordmange dyr blir drepne i trafikken: – Hugs ansvaret du har som bilist Slik vil prinsessebryllaupet påverke Geiranger – politiet reknar med storinnrykk Trafikkulykke i Ørnevegen Appen Politiloggen kan lastast ned for dei som likar å følgje med på det som skjer