Attersyn 2002

Jenter frå skulen i Tafjord song julesongar på den gode gammaldagse juletrefesten i bygda for 20 år sidan.

Fride-Helen Almstad i femteklasse på Fjørå skule lærte mykje om bruk av data for 20 år sidan og var på nett og chatta med ein norsk elev i Egypt.
For 20 år sidan var det teorikurs for motorsykkel på Fjellro Tursithotel. Fem hadde meldt seg på. Den yngste var 15 år og den eldste over 50 år. Grunna mange motorsykkelulykker var det obligatorisk med teorikurs før teoretisk prøve.
Korpskonsert med Valldal skulekorps for 20 år sidan. Her er det Per Ove Ødegård som er solist og syng «Sweet Home Chicago» saman med dei tre heftige kordamene Annrid, Kikki og Mette.
For 20 år sidan laga 10. klasse ved Stordal skule fire flotte sider i Storfjordnytt. Dei hadde verkeleg lagt ned ein stor innsats med avisarbeid og både lesarar og redaksjonen var særs nøgd med det.
Framme frå venstre viser Kristine Eline Dyrkorn og Amalie Dyrkorn viser fram hestehovane, dei fann på Dyrkorn  heilt i byrjinga av februar for 20 år sidan. I vogna sit Oliver J. Dyrkorn. 
Bak frå venstre Josefine Dyrkorn Alne, Jeanette Dyrkorn Alne, Synne Parr Westerås, Ida Helen Tomren, Karoline Dyrkorn Alne, og Eirin Johansen Pedersen.
Borna ved Liabygda skule hadde gjort eit grundig arbeid med kostyma sina då det var karneval på skulen for 20 år sidan.
For 20 år sidan var det OL og korpskonsert i Stordal. Stordal skulekorps og Stordal Hornmusikklag underheldt kvar for seg og saman.

Harald Valdal var ikkje tung å be. For 20 år sidan var han i full sving med å moke snø, rydde og hjelpe til med ulike gjeremål på Valldal trygde- og sjukeheim. Han var nærast som ein tilsett å rekne.
For 20 år sidan fekk 90 år gamle Ruth Vinje blomar og diplom for sin innsats som jordmor i Stordal. Ho var ei av dei fyrste kvinnene med sertifikat i Stordal, men når snøen gjorde vegen over Stavsengfjellet ikkje køyrbar, hjelpte det ikkje med sertifikat, då måtte ho stoppe på Ekre og spenne på seg skia.
Coby Ytredal var for 10 år sidan medaljegrossist frå veteranverdsmeisterskapen i langrenn med seks gull, fem sølv og ein bronse. Her er nokre av medaljane, sølvet frå Geilo fann ho ikkje i farta.

To karar og ein flokk med damer laga fest i Fjørå for 20 år sidan. Ein kommunal gjennomgangsfigur med namnet S. Vindel dukka stadig opp i eit lystig program bak den litt dystre tittelen ”Møre hemmelegheiter”. Her er det riverdans på gang med frå venstre Wenche Jensen, Marita Valdal, Paul Fredriksen og Hillevi Hovden.
For 20 år sidan fekk dei tilsette ved Hjellegjerde-eigde Hove Møbler i Stordal den triste beskjeden om at mellom 30 og 35 årsverk i Stordal skulle takast bort. Avdelingsleiar Torill Myren frykta fleire dårlege nyheiter for dei tilsette og at mange tok med seg tankar heim denne påska som dei skulle vore forutan.

For 20 år sidan hadde Rem Redskapslag utstyr for molding, noko dei gjorde for å bli kvitt snøen raskare. Her er Rolf Dale saman med sonen Anders på bøane på Grønning.
Eva Hove fekk ikkje fleirtal i kommunestyret i Stordal for 20 år sidan for forslaget om å setje ei øvre høgdegrense for kvar det kunne byggjast hytter i Stordal.
Laurdagen var dei på Nordkapp etter å ha gått Noreg på langs og måndagen kom dei heimatt til Valldal. Øyvind Sandnes og Vebjørn Bjørstad vart tekne imot av mange og fekk marsipankake.
Ta bilete av oss då, sa denne gjengen i Stordal til Storfjordnytt for 20 år sidan. Frå venstre Sivanja Naguleswaran, Eirin Pedersen, Ingrid Busengdal, Emma Hoff, Trine Øvrebust, Espen Skrede Vad, Thomas Øie og Ole Henrik Nakken.

For 20 år sidan dreiv Trond Omenås og Dagfinn Sæterøy garnfiske i Storfjorden. Dei ønskte det ikkje, men nokre gongar hende det at dei fekk ei nise i garnet.
Stig Erik Berg var for 20 år sidan niandeklassing ved Valldal skule. Han intervjua bestemor si, Asbjørg Hauge, om korleis ho opplevde krigen.
Liv Marit og Reidar Bjørstad hadde fått med seg sonen Torkjell Bjørstad, svigerdottera Hege og barnebarna Kristina og Martin på sykkeltrim i Valldal for 20 år sidan. Her er dei klare til start på Gudbrandsjuvet.

Revyinnslag med gode songarar og tekstforfattarar på jentefesten i Eidsdal for 20 år sidan. Skulle gutane henge med året etter, måtte den festene ha utruleg høg kvalitet.
Med sommar i lufta, på plantedagen ved Norddal kyrkje for 20 år sidan, koste desse tre damene seg. Frå venstre: Bergljot Dahl, Gunda Hjelle og Kjersti Ringset.

Muri var det beste laget i Valldal sin grendastafett for 20 år sidan. Vinnarlaget var frå venstre Per Magnus Berdal, Magne Eivind Glomnes, Olav Håvard Storås, Inghild Storås, Ann Eli Tafjord, Kjell Roar Henriksen og Matias Heggen.

For 20 år sidan var det tidleg fyrsteslått mange stader. Leiar i Indre Sunnmøre Forsøksring, Jon Geirmund Lied, oppfordra til å slå og ikkje vente, då graskvaliteten fort vert dårleg i slik varme og tørke.

Sjuandeklasse i Tafjord skulle til Valldal og dei fem jentene gav ein avsluttingshelsing her med seriesongen fra «Friends». Frå venstre: Karoline Nærø, Christina Rødal, Malin Botenmark, Karine Talgø Aas og Britt-Ingunn Tafjord Walle. 1989-kullet frå Tafjord..
Andre- og tredjeklassingar i Valldal klare for sommarferie for 20 år sidan. Bak frå venstre: Lise Brasøy, Elida Vågsæter, Linn Overå Alstadsæter, Marte Kristin Lødøen og Anne Kristin Hoel. Framme frå venstre: Lisabeth Ranheim Omenås, Karoline Nygård Waldal, Karoline Gjerde Grønningsæter og Birgitte Øvrevoll.

Espen Remme tok for 20 år sidan over som direktør på Muritunet og Ragnar Lødøen takka av.
For 20 år sidan opna Galleri Morellsteinen på Linge. Inger Marie Linge var overvelda over den store oppslutninga og gledde seg saman med kunstnarane som stilte ut bileta sine der.

Allidrettsgruppa i Stordal idrettslag arrangerte historisk vandring på Fokhaugen og Trollkyrkjegarden for 20 år sidan. Her er dei samla ved inngangen til Trollkyrkjegarden.

Ungdomsrådet i Norddal kommune og Lions Club Valldal samarbeidde om å gi eit alkoholfritt dansetilbod til dei danseglade for 20 år sidan.

Ein lekkasje førte til at òg andre roteskadar vart oppdaga. Kyrkja i Liabygda er lafta og Odd Egil Moen hadde god kompetanse frå slikt arbeid og tok dei utbetringane. – Det balla på seg og det enda med at vi tok heile taket, sa Helge Lysebo frå eit stillas for 20 år sidan.

For 20 år sidan hadde Barbara og Janusz Kataska vore i Valldal og plukka jordbær i ti år. Dei treivst godt hos arbeidsgjevarane Marit og Asgeir Valdal.

I regi av Norddal ungdomsråd var det for 20 år sidan arrangert friluftsweekend for andre gong. Det gjorde dei i Indreeidsdalen i Eidsdal. Knut Petter Maråk har gjort opp fisk tidlegare og tok seg av det meste av fangsten frå garna dei hadde sett i Eidsvatnet.

Fyrsteklassingane i Stordal for 20 år sidan kunne fortelje at dei allereie har hatt lekser og lært å ringe 113, om nokon skulle verte sjuk. Det viktigaste syntest dei, var å leike. Frå venstre Kjell Petter Hove, Iver-Olai Tomren Dyrkorn, Raguram Thanyanolipavan og Ole Martin Tangen Vad.
Stig Rune Grønning og Bjørn Tryggestad hadde fullt opp å gjere i starten av hjortejakta for 20 år sidan. Etter det fyrste døgnet hadde dei skote sju hjortar, noko som var rekord i valdet på Grønning.

For 20 år sidan var Oddvar Brå på vitjing og motiverte langrennsmiljøet.

For 20 år sidan var det avslutting av Valldal Liabygda cup. Dei delte ut premiar i Liabygda og her er nokre av dei som var til stades.

For 20 år sidan spelte Valldal sitt A-lag sin siste kamp for sesongen mot Lepsøy og tapte 6-2. Etter kampen fekk dei litt mat og drikke og så såg dei Ålesund-Vålerenga på storskjerm. Frå venstre: Arnstein Storås, Asgeir Heggen, Tor Erik Jarvik, Svein Ove Døving, Nils P. Ringseth, supporter Sigbjørn Døving, Kjell Arne Valdal, Leif Båtnes, Torgeir Myklebust, Lars Tomas Bersås, Viktor Valdal og Helge Båtnes.. 

Dette var dei som stilte ut 4H-oppgåvene sine på Fjordheim i Fjørå for 20 år sidan.
For 20 år sidan vart det arrangert kurs i korleis du skulle ta vare på viltet. Etikk var òg ein del av kurset. Siste dagen av kurset var det nedskjering og Odd Høiås og Kristian Overå viste korleis kniven skulle nyttast og fortalde om dei ulike delane av dyret. Her lagar dei steik i strømpe.

Sierra Leone i Afrika hadde for 20 år sidan avslutta ein ti år lang borgarkrig og mange av soldatane var barn. Ungdomsskulen arrangerte Operasjon Dagsverk og Linda-Kristin Vad og Jeanette Jensen var i arbeid på Rimi i Valldal for å tene pengar for å hjelpe barna i Sierra Lione.

For 20 år sidan var Eva Mørkeset frå Jugendteateret i Ålesund på vitjing hos Ungdomslaget Dag i Norddal for å undervise og inspirere teatergruppa deira.
For 20 år sidan var Quindekoret i Norddal i fullt driv. Ein laurdag i november arrangerte dei fest på Grendahuset i bygda og songar av Alf Prøysen vart framført med musikkglede og flotte sommarkjolar. Anna underhalding var det òg med dans til slutt. Merete Løvoll Rønneberg kåserte og vi klippar frå teksten: «Korleis kan du bevare oppstopparpuppa når det har hengt ein tre-fire ungar og nuppa».

Born frå barnehagen i Valldal var for 20 år sidan i lavvoen i Syltemoa og steikte pannekaker. Det var noko barna likte godt, både pannekaker og naturen. Svein Are Vassvik hadde gått i førevegen og tent opp bålet. Grunneigar og 10. klasse ved Valldal skule hadde sett opp lavvoen. 

Jøran Gudmestad mista arbeidet på Hove Møbler i Stordal då dei la ned drifta for 20 år sidan. Det tok ikkje lange tida før han fekk nytt arbeid på Simek, eit dotterselskap av Helland Møbler som mellom anna laga metalldelar til møbelindustrien.

Inspirasjonsmøte for dei tilsette i Norddal kommune for 20 år sidan. Ragnhild N. Grødal utfordra og leika saman med dei. Her gir dei kvarandre massasje.

Stor entusiasme blant borna i Andershaugen barnehage i Stordal på Luciadagen for 20 år sidan. Her marsjerer dei opp bakken frå avdelinga Veslefrikk til avdelinga Askeladden. Knallgule lussekattar og stolte foreldre venta der..